Gebed vir my Volk
1 Kon 8:23, II Kon 13:23, Ps 51:3
HERE, God van Israel, daar is bo in die Hemel of onder op die aarde geen God soos U nie, wat die verbond en die goedertierendheid hou van U knegte wat voor U aangesig wandel met hulle hele hart. Wend U dan tot die gebed van U knegte en tot ons smeking. HERE ons God, deur te luister na die geroep en die gebed wat U knegte vandag tot U bid; sodat U oe oop mag wees nag en dag oor hierdie huis, oor die plek waarvan U gese het: My Naam sal daar wees. Luister dan na die smeking van U kneg en van U volk Israel wat hulle na U toe sal bid, ja mag U hoor elke gebed na U woonplek, na die Hemel toe, en as U dit hoor, vergewe dan.
As iemand teen sy naaste sondig en hulle hom n eed ople om hom tot self vervloeking te bring en Hy voor U altaar kom sweer, wil U dan hoor in die Hemel en handel en U knegte reg verskaf deur die skuldige skuldig te verklaar en sy wandel op sy hoof te le en die regverdige regverdig te verklaar deur hom te gee na sy geregtigheid.
U volk Israel word verslaan voor ons vyand, omdat ons teen U sondig, as ons tot U bekeer en U Naam bely en tot U bid en smeek, wil U dan hoor in die Hemel en die sonde van U volk Israel vergewe en ons terugbring na die land wat U aan ons Vaders gegee het. As die Hemel toegesluit bly, dat daar geen reen is nie, omdat ons teen U sondig, maar ons tot U bid en U Naam bely en ons van ons sonde bekeer, omdat U ons verootmoedig, wil U dan hoor in die Hemel en die sonde van U volk vergewe – want U leer ons die goeie weg wat ons in moet wandel en gee reen op U land wat U aan U volk as erfenis gegee het. HERE U het ander nasies voor ons uit verjaag maar nie ter wille van ons geregtigheid het U ons ingebring om hierdie land in besit te neem nie maar weens die goddeloosheid van hierdie nasies het U hulle voor ons uit verdryf. Ons weet dat U hulle nie voor ons uit verdryf het ter wille van ons geregtigheid nie want ons is n hardnekkige volk.
HERE U was ons genadig en het U oor ons ontferm en U tot ons gewend ter wille van U verbond met Abraham, Isak en Jakob en U het ons nie vernietig en tot nog toe nie van U aangesig weggewerp nie.
Wees ons genadig , o God na U goedertierenheid; delg ons oortredinge uit na die grootheid van U barmhartigheid. Was ons heeltemal van ons ongeregtigheid en reinig ons van ons sonde. Want ons ken ons oortredinge, en ons sonde is altyddeur voor ons. Teen U aleen het ons gesondig en gedoen wat verkeed is in U oe, sodat U regverdig kan wees as U spreek, rein as U gerig hou.
Verberg U aangesig vir ons sondes en delg uit al ons ongeregtighede. Skep vir ons n rein hart, o God en gee opnuut in ons binneste n vaste Gees. Ons vra dit in die Naam van U Seun. Ons verlosser. Jesus.
Amen.
